O PSOE apoia a concentración das ANPAS da Costa da Morte en defensa da educación pública
O PSdeG-PSOE Provincial da Coruña acudiu á praza do Concello de Carballo xunto á Federación de ANPAS da Costa da Morta e familias de diferentes colexios da zona para participar nunha concentración convocada en defensa da educación pública. Participou na mesma o concelleiro socialista en Camariñas e secretario de Educación da executiva do PSdeG provincial Fabián Canosa.
En referencia ao concurso de destinos provisionais do profesorado, Canosa sinalou que “mañá veremos se o Goberno da Xunta de Galicia aposta por unha educación pública de calidade dando profesorado a todos os centros educativos que o precisan, ou pola contra se lle da as costas a comunidade educativa”.
“A consellería está a suprimir aulas e profesorado e non está atendendo ás necesidades do alumnado e das familias”, criticou o socialista dende a concentración.
Fabián Canosa lembrou tamén que dende o PSdeG presentaron “unha moción para a defensa do ensino público no Parlamento galego, pero o PP abstívose, e en varios Concellos da Costa da Morte están votando en contra de defender a educación pública e de calidade”.
O PSdeG apoia ás familias do CEIP San Luis Romero de Carballo e levará as súas demandas ao Parlamento galego 
Bugallo e Begoña Rodríguez pídenlle á Xunta “que reconsidere” os recortes no CPI Castro Baxoi de Miño e reivindican “un ensino público de calidade” 
Bernardo Fernández denuncia “o tortuoso comezo do curso no ensino público, cunha Xunta que aplica máis recortes e dinamita a aplicación da LOMLOE”