José Miñones destaca “o apoio do goberno de Pedro Sánchez á pesca galega” e os “22 millóns de investimentos na Costa da Morte”
José Miñones, número 1 da candidatura socialista ao Congreso pola provincia da Coruña, destacou esta mañá “o apoio do goberno de Pedro Sánchez á pesca galega” e os “22 millóns de investimentos na Costa da Morte”.
Miñones estivo na Festa do Carme de Camariñas, xunto a Obdulia Taboadela, candidata número 2 ao Congreso; Xosé Sánchez Bugallo, candidato número 1 ao Senado, e Bernardo Fernández Piñeiro, secretario xeral provincial. Posteriormente, o tamén ministro de Sanidade participou nun reparto polo Mar de Lira (Carnota).
“Hoxe é un día moi especial para a xente do mar, un sector que conta desde hai cinco anos co apoio do goberno socialista; defendimos os intereses da pesca galega en Bruselas ante o ataque da normativa europea contra a pesca de arrastre e tamén negociando as cotas”, lembrou o candidato ao Congreso.
Miñones referiuse ademais “á Lei de Pesca Sostible e o aumento dos dereitos sociais das mariscadoras e as redeiras”.
“Aprobáronse por outra parte numerosas axudas pola subida do gasóleo e as consecuencias do conflicto en Ucraína, as últimas de 50 millóns de euros esta mesma semana, dos que a metade serán para Galicia”, engadiu.
O candidato socialista fixo tamén referencia “aos 22 millones de euros de investimentos na Costa da Morte, dous millóns no caso de Camariñas, para carrís bicis, sendas, iniciativas de turismo sostible ou a renovación dos cuarteis da Garda Civil”.
Miñones pon en valor “o compromiso do Goberno do Partido Socialista co sector do mar” na lonxa da Coruña 
O senador coruñés Manuel Mirás, ponente socialista da nova Lei de pesca sostible “que impulsa a protección social e o acceso á xubilación das mariscadoras galegas” 
Os socialistas da provincia da Coruña respaldan as demandas dos pescadores deportivos en contra da nova norma da Xunta que restrinxe a súa actividade en zonas portuarias