O PSdeG presenta aos seus candidatos no Barbanza, “que van facer que esta organización sexa a primeira forza nas municipais”
O PSdeG-PSOE presentou na Casa da Cultura de Boiro as súas candidaturas para as vindeiras eleccións municipais no Barbanza. O acto contou coa presencia do secretario xeral do PSdeG provincial Bernardo Fernández Piñeiro, ademais da dos candidatos e candidatas socialistas ás alcaldías dos Concellos do Barbanza.
No acto, ademáis do alcalde de Boiro e candidato á reelección, José Ramón Romero, participaron os candidatos e candidatas do PSdeG-PSOE á alcaldía de Lousame, Ana Domínguez; Muros, Caridad González Cerviño; Noia, Francisco Pérez Caamaño; A Pobra, Patricia Lojo Nine; Outes, José Antonio Caamaño Lestón; Porto do Son, Jorge Romero Pérez; Rianxo, Óscar Rial Lago e Ribeira, Francisco Suárez-Puerta.
Bernardo Fernández Piñeiro presentou na súa intervención “aos candidatos e candidatas do Partido Socialista, que van facer que esta organización sexa a primeira forza política nas vindeiras eleccións municipais”.
O secretario xeral provincial afirmou que o PSdeG é “unha forza política que é clave no desenvolvemento, na mellora e na modernización” dos Concellos do Barbanza”, e que “alá onde goberna ten referentes do municipalismo que están a deixar a pel polos seus veciños e veciñas”.
“Estamos convencidos de que imos sacar un gran resultado nas vindeiras eleccións municipais no Barbanza”, sinalou Fernández Piñeiro.
O socialista recalcou o obxectivo de conquerir “máis alcaldías para ser a mellor garantía de futuro e de progreso para todos os veciños e veciñas desta Bisbarra”.
O PSdeG de Abegondo dá luz verde á aprobación provisional do PXOM 
O PSdeG de Abegondo propón unha reunión coa veciñanza sobre a subestación eléctrica para “actuar en función do que esta reclame” 
O PSdeG da Laracha critica os recortes de profesorado no CEIP Ramón Otero Pedrayo