José Luis Ruíz Laíño, novo coordinador comarcal dos socialistas no Barbanza
José Luis Ruíz Laiño é o novo coordinador do PSOE na comarca do Barbanza, co obxectivo de preparar o partido de cara ás próximas eleccións municipais.
A elección de Ruíz Laíño, concelleiro no Concello de Boiro, fíxose pública nunha reunión coa presenza do secretario de Organización da Agrupación Provincial Socialista da Coruña, Diego Fernández, xunto a voceiros e representantes das agrupacións locais da comarca.
“Asumo esta nova tarefa coa ilusión de ser útil aos cidadáns, as comarcas teñen as súas propias necesidades e debemos atopar solucións”, asegurou Ruíz Laíño.
O novo coordinador comarcal quixo agradecer o traballo do seu predecesor, Miguel Paz, e engadiu que o partido xa está listo para traballar co horizonte das eleccións municipais de maio de 2023.
Bernardo Fernández e Xosé Bugallo destacan que “as pensións subiron un 24% en cinco anos” e advirten de que “PP e VOX votaron en contra desta revalorización” 
Os socialistas da provincia da Coruña aproban por aclamación as candidaturas ao Congreso e o Senado 
Bernardo Fernández e Patxi López defenden que “a mellor garantía para que a Costa da Morte avance son os alcaldes e alcaldesas socialistas”