Os socialistas da Coruña destacan “os 415 millóns de euros de investimento na provincia” nos orzamentos xerais, 100 euros máis por habitante que a media estatal

Os Orzamentos Xerais do Estado para 2022, unhas contas cun “claro compoñente social”, recollen un investimento real na provincia da Coruña de 415,31 millóns de euros, o que supón máis de 370 euros por habitante (media nacional de 270 euros).

Os deputados da provincia no Congreso dos Deputados, Natividad González Laso, Montserrat García Chavarría e Diego Taibo, así como o senador Manuel Mirás, destacan “o incremento das partidas para protección social e dependencia, así como o investimento na mellora de infraestruturas estratéxicas e en sectores como o naval de Ferrol”.

“A aposta do goberno de Pedro Sánchez por A Coruña e Galicia é moi forte, polo que demandamos á Xunta de Galicia o mesmo esforzo inversor”, apuntan os deputados socialistas.

Os orzamentos aprobáronse onte no Congreso e continúan o seu trámite parlamentario no senado. Son as contas máis sociais da historia e contribuirán a consolidar a recuperación económica e social en Galicia, cun investimento un 22% superior á media do Estado (quinta comunidade que máis fondos recibe).

En concreto, dos máis de 415 millóns de euros de investimentos reais na provincia da Coruña, 212 millóns serán para a mellora de infraestruturas estratéxicas por parte do Ministerio de Mobilidade.

Neste apartado, destacan os case 60 millóns para a A-54 (tramo Melide-Palas de Rei e tramo Melide-Arzúa); 15,81 millóns para o Corredor Noroeste RAM Ferrol-Vegadeo, e nove millóns de euros para o enlace Orbital en Santiago de Compostela (conexión A-54 coa AP-9).

Os orzamentos incluén unha partida de 61,78 millóns de euros para toda Galicia en actuacións de conservación e mellora de estradas e 15 millóns para seguridade viaria. Unha terceira parte das mesmas se destinará á rede da provincia da Coruña.

A provincia beneficiarase tamén dos 103,1 milóns de euros de investimento de ADIF para impulsar a Alta Velocidade (AVE) en Galicia, en parte nos tramos que unen A Coruña e Santiago con Ourense e a Meseta.

Ademais, destinanse 54,9 millóns de euros á bonificación da peaxe na autoestrada AP-9 Ferrol-Frontera Portuguesa, mentres que Portos do Estado prevé investimentos de 32,56 millóns de euros para o Porto de A Coruña e 31,80 millóns de euros para o Puerto de Ferrol.

Por outra parte, os orzamentos recollen unha clara aposta pola recuperación industrial e laboral da provincia, con 129 milllóns de euros para o programa das Fragatas-110 e 51 millóns para a construción do tan necesario taller de sub-bloques en Navantia Ferrol.

Á marxe destes investimentos, chegarán 111 millóns de euros do Ministerio de Transición Ecolóxica para a reindustrialización e reactivación económica de Cerceda e As Pontes.

Por último, os orzamentos inclúen case 15 millónes de euros para a rexeneración da ría do Burgo, un proxecto ao que a Xunta non destina nin un só euro; 3,76 millóns de euros para a nova Estación Depuradora de Augas Residuais en Compostela, e 4,55 millóns de euros para o Consorcio Cidade de Santiago de Compostela.

A Sociedade de Infraestruturas e Equipamentos Penitenciarios fará un novo Centro de Inserción Social na Coruña cun investimento de 2,97 millóns de euros.